【唏噓的感覺】細路哥

早前有朋友向我推介這一首歌， 歌詞只有幾句，反而讀白佔了全歌的大部份。 讀白是一個普通人回望過去二十年的假想。 如果，你聽完這一曲後， 而又因為它的讀白而產生共鳴， 也許你和我一樣真都有一種莫名奇妙的唏噓感覺。 歌詞中假想世界的心理狀況和事情， 是那麼的真實。 心裡泛起的唏噓感覺是由於生活中的無助， 浪費，還是自已一直都沒有面對現實的生活呢。 累積，累積，累積！ 娛樂多了快樂少了。 一個積極累積的生活，在某些角度上， 生活竟然貧乏了。 但願你沒有這份共鳴！ 還有，What are you looking for? 有沒有甚麼計劃？ 在線收聽此歌 Uploaded by NoirinP ---------------------------------------------------------------------------------------------------------------------- 細路哥 讀白：藍    歌: 黑 某一年，一班剛剛考完會考既同學，約埋一齊唱K。 流行曲唱到一半既時候， 其中一位朋友問左隔離果位一個問題： 『喂！你估二十年後既今年，我地會幾成一個咩人呢？』 二十年後，可能已經幾成一個西裝骨骨既中環人； 手帶勞力士，銀包有好多張信用卡。 放工既時候就響酒吧度，一邊望住個煙灰盅， 一邊望住隔離檯既果個女仔，條裙幾時走光。 二十年後，大概終於會買左果部好想擁有既汽車， 但係仲有二十幾期要供。 二十年喇，應該轉過好多部工。 識做既野越黎越多，但係同時發覺學識越黎越少。 響果個時間，間唔中可能會去o下GYM， 但係做黎做去，都係減唔到果肚腩。 當然二十年黎， 你間唔中都會諗起一段一路都未能放低既感情。 女朋友越黎越多，但係愛既越黎越少。 細路哥　你得到什麼　你失去什麼 你知道　what are u looking for? 大概響果個時候可能會有身邊既親人離開， 而果個陣時你會有好多講唔出口既遺憾， 同時間你會發覺原來人生已經過左一大半。 同年終於結婚喇， 用左半生0既積蓄俾左一層樓既首期， 有車位、有泳池，會所。 娛樂越黎越多，但係快樂越黎越少。 兩年後，可能會離婚。 回復單身之後既一個晚上，一個人響床上面， 住個搖控不停咁轉台，食左兩粒安眠藥， 跟住點起支薄荷煙， 然後流左一滴自親人離世之後既眼淚。 突然之間你又諗起，響二十年前你係一個咩人。 係個一晚上，一大班同學約埋出黎唱K唱到天光。 仲記得係個朝返到屋企既時候， 打開門響檯面，見到有一碗屋企人留低既湯。 碗湯已經凍左喇！ 細路哥　你得到什麼　你失去什麼 你知道　what are u looking for？